Arrinca o curso 2024-2025!

 Queridas familias, 

iniciamos un curso máis con moitas ganas! En breve publicaremos información sobre as actividades extraescolares, mais podedes ir anotando nas axendas o mércores 2 de outubro, ás 17:30 h., no Salón de Actos do CEIP: temos a Asemblea Ordinaria de inicio de curso! E se sabedes de familias que queiran sumarse á ANPA, poden facelo desde xa mesmo neste formulario.

Este curso, despois de varios esforzos e de darlle voltas, vai subir a cota de familia socia, en 5 euros, co que resulta unha cota de 30 €. Trataremos este asunto na Asemblea, como podedes ver na Orde do Día, mais sinalamos que, atendendo a casuísticas particulares, o ingreso podería facerse en dous prazos de ser necesario.

Aquí deixamos a orde do día. Agardamos vervos e coñecer novas familias! Unha grande aperta,

A Directiva

Asemblea ordinaria ANPA CEIP Apóstolo Santiago

Mércores 2 de outubro de 2024, 17:30-19:30 horas

ORDE DO DÍA

1.  Benvida da directiva e presentación asistentes (10 minutos).

2. Lectura e aprobación da acta anterior (5-10 minutos). 

3. Estado de contas. Propostas (10-15 minutos).

4. Subida da cota da ANPA (10 minutos).

5. Actividades extraescolares.

6. Diferentes comisións. Dinámica para unirse a elas (10 minutos) e breve repaso e perspectivas de futuro (uns 10 minutos cada unha):

- Construíndo escola (convivencia e celebracións).

- Comedor.

- Medio ambiente e radon.

- Igualdade. Explicación das subvencións concedidas e da programación.

- Lingua.

7. Rogos e preguntas (10-20 minutos).

Boletín das estrelas nº2. O Botrato

Presentamos aquí o boletín número 2, no que queremos dar voz ás familias. Nesta segunda edición poñemos o foco na importancia do BOTRATO e difundir uns materiais útiles para as persoas involucradas no eido educativo.

Na Comisión de Convivencia seguimos traballando para que as nosas crianzas medren nun espazo seguro, aprendendo a convivir e a resolver os conflictos de forma pacífica coa axuda dos adultos de toda a comunidade educativa. Se queres contarnos calquera cousa ao respecto, expresar sen temor preocupacións, suxestións ou ben formar parte de esta comisión, escribe a: convivencia.anpaapostolo@gmail.com

Le o Boletín das Estrelas nº2 

28 de abril. Xornada de convivio e bicis!

O próximo domingo 28 de abril ás 11:30 convocamos unha xornada de convivio e bicis, para disfrutar dunha actividade ao aire libre e pasalo ben xuntas.

Cando e onde?

O 28 d abril, ás 11.30 sairemos da Estación de Trasmonte (Oroso) ata a Estación da Pontraga (Ordes). É unha senda verde de pouco máis de 5km e nivel de dificultade fácil. 🌳No punto de chegada hai zona verde con parque infantil no que poder compartir un picnic autoxestionado. Instrumentos 🎶 e xogos 🤹🏻‍♀ tamén son benvidos.

Charla "Neurodiverxencia, autismo ou como comprendernos"

⭐Convidámosvos a unha charla da man dunha das maiores especialistas en neurodiverxencia e autismo, Marlene Horna. Será o próximo 3 de maio, ás 16.30, no salón de actos do CEIP Apóstolo Santiago.

 

O botrato e a resolución de conflitos para comprender e crear benestar son un dos grandes dilemas do ensino e da sociedade actual. Como comprender e comunicarnos mellor coas crianzas no espectro autista? Comprender a diversidade que nos rodea fainos mellores persoas, máis conscientes de que neste mundo impredecible e abrumador poden xurdir condutas que nos preocupan.

Procuraremos estratexias conxuntas para mellorar o benestar emocional da nosa comunidade educativa.

 🌈 Reserva ludoteca en anpa.apostolo@gmail.com

"Medrar de forma saudábel nun mundo dixital", charla aberta a toda a comunidade educativa

 

📌O xoves 18 de xaneiro, de 17:30 a 19:30, temos a Xulio Carmona, de Ecoloxistas en Acción, e a docente Menchu Outón no cole para falarnos das consecuencias do uso de pantallas e dixitalización na infancia.

📝 "Medrar de forma saudábel nun mundo dixital", charla aberta a TODA A COMUNIDADE EDUCATIVA. Será no Salón de Actos do CEIP, e as familias que o precisedes podedes solicitar ludoteca até o mércores 17 ás 15 horas en anpa.apostolo@gmail.com.

Presentamos o Boletín das Estrelas!

Este ano comenzamos unha nova andaina! Publicamos o Boletín das Estrelas, o medio de comunicación da Comisión de Convivencia da Anpa que nos axdudará a seguir raballando para que as nosas crianzas medren nun espazo seguro, aprendendo a convivir e a resolver os conflitos de xeito pacífico coa axuda dos adultos de toda a comunidade educativa.

Nesta primeira edición queremos aprender un poco máis sobre o mundo do Espectro Autista da man dunha nai do noso colexio e propoñemos actividades para celebrar o Día Internacional das Persoas con Discapacidade.

Se queres contarnos calquera cousa ao respecto, expresar sen temor preocupacións ou suxestións ou ben formar parte de esta comisión, escríbenos a: convivencia.anpaapostolo@gmail.com

 

Le o Boletín das Estrelas nº1

25N. Actividades pola igualdade e contra a violencia de xénero, en novembro e decembro

Na Anpa do CEIP Apóstolo Santiago queremos ver medrar ás nosas crianzas rexeitando a violencia contra as mulleres e nenas. Por iso, promovemos obradoiros para ensinar a distinguir e rexeitar o machismo e poñemos en marcha actividades para amosar novos referentes e ensinar a través do xogo e a parte máis lúdica. Apuntade:

• 25 de novembro: Concentración na Praza 8 de marzo, ás 12h, e obradoiro de broches con mensaxes feministas, en colaboración con Materfem.
  
• 30 novembro - 4 decembro: Obradoiro Acurtando as distancias. Curtas para a igualdade, co alumnado de 5º e 6º de primaria.
• 15 de decembro: Lúa Triangular. Nada é imposible!, espectáculo de contacontos musical con perspectiva de xénero.

*Actividades financiadas ao 80% pola Deputación da Coruña.