Obradoiros Quérote

 

Queridas familias... Pronto teremos unha nova formación desde a ANPA! Educación sexual na familia, martes 10 de febreiro e o 3 de marzo, ás 17:00, impartidas por Penélope Alonso. Necesitamos un mínimo de 10 persoas asistentes! Confirmade en anpa.apostolo@gmail.com ANTES DO XOVES 5 DE FEBREIRO!

Lingua de signos

A Comisión de Convivencia da Anpa organiza este curso para aprender a lingua de signos. Non é un curso oficial, senón unha iniciativa de aprendizaxe entre familias. 
Grazas á colaboración da familia de Mariña e Carmela imos probar esta aventura emocionante para  contribuír a unha escola e comunidade máis inclusiva.

 

Seguimos medrando en igualdade!

Retomamos o proxecto Medrando en Igualdade na edición 25/26 promovido pola comisión de igualdade da ANPA e en colaboración coa Coop. Feitoría Verde e co financiamento da Deputación da Coruña.
O curso pasado traballamos nun proceso para conectar ás crianzas co barrio e construír comunidade.
De aí xurdíu un diálogo fermoso entre familias e mulleres do entorno do cole, que son as nosas referentes. Tanto é así, que o centro está traballando nun proxecto de “Escola e Barrio” e desde a revista escolar NASS está a entrevistar persoas do barrio (esta revista está elaborada polas crianzas desde o Proxecto de Biblioteca do Centro e coa colaboración da profe Eva).
Este curso seguimos porque Medrando en Igualdade é un piar fundamental do sentir da nosa ANPA. Seguimos á procura de proporcionar ferramentas á comunidade educativa para crear e mellorar a nosa forma de relacionarnos poñendo o botrato no centro e previr as violencias machistas en todas as súas formas e manifestacións.  
O noso desexo último é que as crianzas aprendan a desenvolver o seu pensamento crítico fronte a un modelo machista, inxusto e desigual.
Como?
Retomando o proceso de coeducación e fomento das relacións de bo trato comezado o curso anterior en 5º de primaria, abarca este ano dous grupos: reforzo en 6º de primaria e primeiros pasos en 5º de primaria.
Estas sesións de traballo na aula pretenden mellorar a convivencia a través da educación nas emocións, do acompañamento, a atención e a escoita ás nosas crianzas para que sexan quen de construír vínculos afectivos sans e de procurarlles a capacidade de cuestionar e reverter as desigualdades e violencias machistas existentes na nosa sociedade.

ARRINCAMOS! PRIMEIRA ASEMBLEA

Queridas familias,


anexamos a orde do día da asemblea ordinaria da ANPA do curso 2025/2026.

Será o mércores 8 de outubro, ás 17:30 horas, no Salón de Actos do CEIP. Contaremos con servizo de ludoteca, para o que cómpre realizar a inscrición neste correo antes do martes 7 ás 15:00 horas.

Ademais, lembramos que este luns 22 de setembro publícase a lista de admitidas nas actividades extraescolares. A partir de aí só se poderán realizar inscricións nas prazas que queden vacantes.

Agardando atopármonos pronto, enviamos un cordial saúdo!


ASEMBLEA ORDINARIA ANPA DO CEIP APÓSTOLO SANTIAGO, CURSO 2025/2026


Mércores 8 de outubro de 2025, 17:30-19:30 horas


ORDE DO DÍA


1. Benvida da directiva e presentación asistentes (10 minutos).

2. Lectura e aprobación da acta anterior (5-10 minutos).

3. Estado de contas. Propostas (10-15 minutos).

4. Actividades extraescolares.

5. Diferentes comisións. Dinámica para unirse a elas (10 minutos) e breve

repaso e perspectivas de futuro (uns 10 minutos cada unha):

- Construíndo escola (convivencia e celebracións).

- Comedor.

- Medio ambiente e radon.

- Igualdade. Explicación das subvencións concedidas e da programación.

- Lingua.

6. Rogos e preguntas (10-20 minutos).

 

PRESENTAMOS A NOVA GRELLA, PRAZOS DE INSCRICIÓN E PREZOS DAS EXTRAESCOLARES CURSO 2025-26

👀 IMPRESCINDIBLE PARA TODAS AS FAMILIAS (INCLUIDAS BOLSEIRAS) O PAGAMENTO DA MATRÍCULA DAS EXTRAESCOLARES: 30 EUROS POR FAMILIA, para cubrir os gastos de xestión administrativa e o seguro das actividades. As familias socias da ANPA teñen cuberta esta matrícula coa cota anual de inscrición á ANPA 30€ , que se é necesario pode ser feita en dous pagamentos.

O custe das actividades é de 17,50 euros/mes cada unha (as usuarias con bolsa con concello non deberán abonar a diferenza, xa que a Anpa asumirá ese custe).

* Excepción: a actividade de horta custa 22 euros e dura 90 minutos. Só pagan as crianzas, non as adultas e as bolseiras deberán abonar 5 €.

Acceso ao FORMULARIO ONLINE

LUNS

16:30 h

• Volei (Educación Primaria, preferiblemente de 3º a 6º) 
• Baile Moderno
• Xadrez
• Pandeireta (Educación Primaria, de 4º a 6º)
• Ioga (3-8 anos)

17:30 h

• Pandeireta (5 anos- 3º Educación Primaria)

 

MARTES

16:30 h

• Hóquei
• Xogoteca (> 5 anos)
  
• Horta (< 7 anos)
  
• Break dance (Educación Infantil)
• Regueifa (Educación primaria)

 

MÉRCORES

16:30 h

• Patinaxe
• Capoeira
• Teatro
• Circo
• Natación (Piscina USC)

17:30 h

• Capoeira en familia
  

XOVES

 16:30 h

• Baloncesto
• Baile galego
• Arte
• Break dance (Educación Primaria)
  

 

COMO INSCRIBIRSE?   

1.- Hai dúas opcións: cubrir o formulario de inscrición impreso e depositalo na caixa de correo da Anpa (na entrada principal do cole), ou cubrir o formulario online:  https://forms.gle/Pa6rKcAhVM188p4X9 

2. O prazo de inscrición preferente é do 10 ao 18 de setembro. As/os inscritas/os despois desta data optarán ás prazas vacantes.

3. O 22 de setembro publicarase a listaxe de admitidos no taboleiro da ANPA. 

4. Para que a matrícula sexa efectiva deberá realizarse o pagamento da matrícula e o mes de outubro no seguinte prazo: 23-26 de setembro.

5. O alumnado do Apóstolo Santiago ten prioridade. 

6. As actividades teñen límite de prazas: respectarase a orde de inscrición ás actividades.

7. As actividades comezan o 1 de outubro. 

COMO PAGAR? 

O pagamento das actividades será abonado na primeira semana do mes en curso, por transferencia bancaria na conta de ABANCA. 

ATENCIÓN! Cambiamos o número de conta!  ABANCA ES29 2080 0348 3030 4003 7503

Nas transferencias indicarase no concepto "nome/s da/s participante/s + mes” (excepto nas transferencias periódicas, en que non é necesario especificar o mes). 

Por favor, é importante pagar nos cinco primeiros días do mes.

As adultas nas actividades en familia pagan o mesmo importe que as crianzas. 

IMPORTANTE: informar ao monitorado das casuísticas que as familias consideredes importantes de cada neno/a (alerxias, enfermidades, etc…). Podes contactar connosco a través do correo extraescolaresanpaapostolo@gmail.com.

 

Para saber máis de cada unha das actividades, preme aquí

SEMANA DE PORTAS ABERTAS EN EXTRAESCOLARES E FESTA FIN DE CURSO!

Acaba o curso! Mais non o acabamos sen festa! A Comisión de Extraescolares informa:                                                      

Na festa fin de curso do venres 20 de xuño haberá actuacións  e demostracións do traballo de:                  - Baile Galego
- Pandeireta
- Capoeira
- Breakdance
- Horta 
As demais actividades extraescolares fan portas abertas a vindeira semana para que as familias ou todas aquelas persoas interesadas poidan ver unha clase aberta:                                                                                A partir das 16.30H: Volei, Baloncesto, Xadrez, Patinaxe, Hockei, Baile Moderno, Ioga, Chafarís, Circo.   

A partir das 17H: Capoeira e Arte.   

"Deberes" de Atalaias

Na charla de Atalaias do pasado martes sobre límites, rabietas e xestión emocional propuxéronnos un traballiño para o verán: o caderno da calma e do volcán. 

 

E despois, á volta das vacacións, temos outra sesión para seguir abordando estes temas!

Nova sesión da escola de familias: límites, xestión emocional e conflitos

Dende a Comisión de Convivencia da ANPA Apóstolo temos o pracer de auto-agasallarnos neste fin de curso cunha charla necesaria, desexada e esperada por moitas familias. Como poñer límites? Como xestionar as frustracións, os conflitos?          

 

MARTES 10 de xuño as 17.30 h no salón de actos do noso cole. Imparte Atalaias.                                        Reserva de ludoteca por orden de inscrición en anpa.apostolo@gmail.com.