ExtraEscolares





Se queres facer algunha proposta de actividade extraescolar ou calquera suxestión, envíanos un correo electrónico a
extraescolaresanpaapostolo@gmail.com



 As actividades extraescolares do CEIP Apóstolo Santiago están organizadas pola Asociación de Nais e Pais do centro. Esta autoxestión nos permite axustar a oferta ás demandas e intereses da nosa comunidade educativa, así como garantizar na medida do posible unhas aceptables condicións laborais para o monitorado

As diferentes propostas botarán a andar como en anos anteriores o 1 de outubro de 2021, e rematarán a mediados do mes de xuño de 2022

As extraescolares están dirixidas á totalidade de alumnado de Infantil e Primaria, agás Natación, que é para maiores de 6 anos

O horario de todas elas é de 16.30 a 17.30
Pode existir a posibilidade de crear grupos de 17,30h a 18,30h en función do número de inscricións.

IMPORTANTE‼️ recalcar que todo o referente ás actividades extraescolares quedará supeditado á evolución de pandemia e o que diten as autoridades sanitarias no momento das súa execución

CALENDARIO PROVISIONAL DE ACTIVIDADES EXTRAESCOLARES PARA O CURSO 2021-2022

Explicamos a continuación, unha serie de cuestións importantes relativas ás ACTIVIDADES EXTRAESCOLARES para o CURSO 2021/2022 e que foron aprobadas na última asemblea de curso celebrada o 1 de xuño do 2021. 

Consentimento informado 
A vontade da directiva da ANPA é a de xestionar as actividades extraescolares para este curso 2021/2022, mais pode que se nos esixan unha serie de responsabilidades polo tema da pandemia. É por este motivo, que pedimos a colaboración das familias mediante a sinatura dun consentimento informado ou documento similar. Este documento estará listo para asinar cando se formalicen a matrículas. 





INFORMACIÓN XERAL
  • Todas as actividades terán un custo de 15€/mes, agás APARAFUSA E MAXINA (FermiON-LAB) que terá un incremento de 10€/trimestre debido a custos de material
  • Recordarvos tamén que os certificados de inscrición en cada actividade serán entregados a principio de curso, no momento de formalizar a matrícula
  • As familias que solicitáchedes abolsa do Concello poderedes adxuntar o certificado nese momento, non hai problema! Agora preséntase a solicitude e en setembro pódese engadir o certificado

 A  TER EN CONTA! 
  • Todas as actividades teñen unha matrícula de 20€, as familias socias da ANPA teñen cuberta esta matrícula coa cuota anual de asociadas(20€)
  • O pago das actividades será abonado na primeira semana do mes en curso por transferencia bancaria La Caixa ES68 0133 6197 4642 0000 1353 indicando "actividade, mes e nome do cativo ou cativa que a realiza"
  • Para poder realizar as actividades precísase un mínimo 10-15 de participantes, que debe manterse ao longo do curso para que se desenvolvan as actividades
  • Na primeira semana de Outubro todas as actividades teñen a primeira sesión como proba, para aquelas que se anotan e non están totalmente convencidas.
  • Para solicitar a baixa dunha actividade é obrigatorio comunicalo na primeira semana do mes en curso, para non abonar o importe mensual da mesma. En caso de non comunicalo o pago da mensualidade debe abonarse integramente.
  • A matricula/cuota de socios e socias nas actividades extraescolares, cubre os gastos de xestión administrativa das mesmas, así como o seguro das actividades
BREVE DESCRICIÓN DAS ACTIVIDADES 
TEATRO (Talía Teatro) O teatro como ferramenta para educar en valores, amosándolle ás crianzas novos puntos de vista sobre os demais e sobre o mundo. Un ano máis, imparte a actividade Talía Teatro. Desenvolveranse a expresión verbal e corporal mediante o xogo. De haber suficiente alumnado, formaranse dous grupos. 

XOGOS DE MESA (Cahfarís) Unha actividade para coñecer diferentes xogos de mesa lúdico-educativos, orientados a estimular destrezas como a atención, lecto-escritura, cálculo, concentración.. pero todo elo sen deixar a un lado a diversión! Unha actividade a cargo de dous expertos nesta materia: Cristina Neira e Kiko Cociña, da tenda Chafarís. 

NATACIÓN (Piscina da USC) HAI QUE LEVALOS E RECOLLELOS NA PISCINA UNIVERSITARIA. Todo o alumnado debe ter un mínimo de 6 anos ou cumprilos no 2021. Ten un prezo cuadrimestral de 60 euros (outubroxaneiro e despois febreiro-maio). A Área de Deportes da USC esixe un rexistro online e a realización obrigatoria da tarxeta universitaria identificativa, así como a presentación do DNI das/os usuarias/os. Infórmate 

BALONCESTO (Adrián Dios) Outra actividade deportiva no pavillón, estará a cargo de Adrián Dios, da Agrupación Deportiva de Baloncesto Fontiñas. Adrián é adestrador titulado de 1º nivel con 14 anos de experiencia. En caso de haber suficiente alumnado formaranse dous grupos de idade. 

CANTO E PANDEIRETA (Jara Ortiz) A través do canto e da pandeireta achegarémonos ao noso patrimonio cultural, por suposto, pasándoo ben. A profesora será Jara Ortiz, música, cantareira e docente de ampla traxectoria na música tradicional, en formacións como Habelas Hainas. 

ESPAZO E VOLUME (Ana Vidal) A proposta que nos fai Ana Vidal está fundamentalmente relacionada co campo das artes plásticas, aínda que é moi eficaz para a comprensión de moitas outras disciplinas como matemáticas, física, historia, tecnoloxía... (Actividade para crianzas a partir de 6 anos). 

APARAFUSA E MAXINA (FermiON-Lab) Preséntase como unha oportunidade de desfrutar da ciencia e a robótica e medrar como investigadrxs. 

BAILE GALEGO (Claudia Fidalgo) Iníciate no baile tradicional galego da man de Claudia Fidalgo con ampla formación e longa experiencia dando clase a crianzas de todas as idades. 

HOQUEI PATÍNS e PATINAXE O vindeiro curso, estas actividades estarán impartidas polo C.D. Patín Berenguela. A actividade é aberta a todas as crianzas, saiban ou non patinar. Poden traer calquera tipo de patíns, ben sexan en liña ou patín tradicional (o monitorado recomenda o patín tradicional de dúas rodas en paralelo). Se algunha crianza necesita patíns, póndellos prestar no club. Para poder facelo, terían que comunicar o número de pé. O club encárgase de levar todo o necesario para as actividades. No que corresponde a hóquei o stick; e para a práctica do patinaxe: bolas, conos, etc. Recomendable traer elementos de protección para os pulsos, para os xeonllos non é obrigatorio. Non se recomenda casco, pero se o traen non poñen problema. 

TENIS DE MESA (club ARTEAL) O tenis de mesa é considerado un deporte popular, inclusivo e que potencia a concentración e a actividade física. Por outra banda, é considerado de baixo risco no contexto actual (COVID19). A recomendación para practicar pin-pon sería idade mínima de 6-7 anos. Grupo mínimo 6- 8 crianzas. 

ATLETISMO (Amador Pena) Propóñennos a actividade "Preatletismo”, enfocada a crianzas en idade escolar, a idade ideal para comezar a descubrir e desfrutar deste magnífico deporte con todos os seus beneficios. Método de traballo: Traballo con grupos reducidos, para unha mellor atención e transmisión de coñecementos (ratio máximo de 20) Programación a longo prazo, prevalecendo a planificación da vida deportiva, vaia ou non a continuar con nós ou practicando o atletismo, antes que a planificación a curto prazo. Multidisciplinariedade, amosando todas e cada unha das modalidades das que consta o atletismo, independentemente das súas preferencias ou disciplinas con maiores logros Traballo lúdico. O xogo é a mellor maneira non só de aprender, senón de lograr hábitos motrices e adherencia ás actividades deportivas. Participación. Invitamos e facilitamos, sempre que así o desexen, a participar en diferentes probas atléticas organizadas dentro da Delegación de Atletismo de Santiago Polivalencia. Esta participación, sempre que a proba o permita, será pluridisciplinar, é dicir, en probas atléticas de distintas características, para promover a formación e experimentación en distintas modalidades.






Se queres facer alguna proposta de actividad extraescolar ou calquera suxestión envíanos un correo electrónico a
 extraescolaresanpaapostolo@gmail.com
Subscribirse a: Publicacións (Atom)