Na expo, podedes ver as imaxes das participantes desta primeira convocatoria, na que participou alumnado do noso centro.
Dende aquí convidarvos tamén a participar na segunda convocatoria deste concurso.
Pensa, imaxina e captura un momento que represente para ti a igualdade de xénero.
Bases do Concurso
2º Concurso de Fotografías pola Igualdade
xa está convocado dende outubro e entramos na recta final para que poidades seguir difundindo e presentando fotografías.
Tedes que enviar as fotografías en formato TIF, PNG ou JPEG de máxima calidade cun tamaño máximo de 5MB ao correo electrónico: anpascompostela@gmail.com indicando os seguintes datos:
- Asunto: CONCURSO FOTOGRÁFICO POLA IGUALDADE – FANPA COMPOSTELA 2019
- Nome e apelidos (tanto do pai/nai/titor/titora legal e do neno ou nena en caso de Primaria)
- Nivel que está a cursar a crianza no curso 2019-2020, e centro escolar ao que pertence.
- Título e breve texto explicativo da imaxe
- Enderezo electrónico e teléfono de contacto (do pai/nai/titor/titora legal no caso de Primaria)
- Enviará a foto que concurse como documento adxunto.
Ademais, neste 2º Concursode fotografías pola igualdade ten como novidades:
- categoría para FAMILIAS onde as gañadoras recibirán un diploma e copia da sua fotografía.
- Dende a nº 4 ata a nº 10 de cadansúa categoría tamén levarán un agasallo
O prazo para presentar as fotografías remata o 3 de febreiro do 2020 ás 24h
