✅Froito deste traballo é a información que se trasladou ás familias hoxe polas mochilas.
✅Así mesmo, estamos a artellar unha charla informativa aberta a toda a comunidade educativa na que contar con persoas expertas que podan resolver as nosas dúbidas. Se tedes algunha suxestión, só tedes que indicalo
Saúdos
Alicia, Aurora, Iria, Miguel e Diego. Comisión de Traballo-Radon-
📝Contido da nota enviada ás familias asinado conxuntamente polo equipo directivo do centro e a anpa
Dende o centro e dende a Asociación de Nais e Pais do CEIP
Apóstolo Santiago queremos dirixirnos ás familias para informar da situación na
que se atopa o centro en relación á cuestión do radon e das accións que se
están a poñer en marcha.
Entre o 8 de Abril e o 12 de Xullo do presente ano
estiveron funcionando en catro puntos do centro medidores de gas radon. Esta medición
foi realizada polo Laboratorio de Radon de Galicia co método de medición
integrada e seguindo as recomendacións do Consello de Seguridade Nuclear.
A medición fíxose por encargo a conta do centro, ante a
ausencia de resposta por parte de Concello e Xunta de Galicia ás reiteradas
peticións. Os datos recollidos indican que se superan os niveis máximos
permitidos e que, polo tanto, compre actuar.
A día de hoxe, estas son as accións encamiñadas:
- Posto que é responsabilidade da Xunta de Galicia a realización das obras pertinentes, desde o centro comunicouse á Consellería de Educación os resultados da medición. O pasado 16 de Outubro de 2019, visitaron o centro dúas persoas da Subdirección Xeral de Construcións e Equipamento que se comprometeron a efectuar as investigacións precisas para saber cal podería ser a solución ao problema e a realizar as novas medidas de nivel de gas que permitan ter datos mais esclarecedores.
- · Onte púxose en marcha o protocolo de ventilación proposto polo Laboratorio de Radon de Galicia. Este protocolo consiste en ventilar os espazos do centro antes do inicio das actividades lectivas creando correntes de aire en todas as aulas.
- · En paralelo, estase tamén a organizar unha
charla informativa aberta a toda a Comunidade Educativa na que contar con
persoas expertas no campo da saúde e a construción. Aínda pendente de confirmar
data.
Seguirémosvos
informando. Saúdos
Santiago de Compostela
a 17 de Outubro de 2019
