- O obxectivo do Certame non é investigar e coñecer mais sobre a data do 8M, polo que non hai xurado que valore, avalíe o decida que proxecto "é mellor". (a única cuestión que se terá en conta na recollida é no caso de ter contido violento ou discriminatorio)
- Todas as crianzas que participen recibiran o mesmo agasallo.
- Todas as obras estarán expostas nos corredores do cole para desfrutar delas, e unha vez retiradas a rapazada que así o manifeste poderá recollela e levala para casa.
- A Comisión de Xénero colabora co centro na montaxe e xestión do certame.
- A través do blog da Biblioteca e da ANPA subiremos imaxes das obras para que toda a Comunidade poda velas.
Dende a Comisión de Xénero e Igualdade queremos convidar a
todo o alumnado a participar do 8 Marzo, unha data sinalada na que celebramos,
visibilizamos e reivindicamos os dereitos das nenas, mozas e mulleres e as loitas
feministas.
Neste ano pandémico sabemos que a distancia física é
necesaria para limitar a transmisión da Covid, e sabemos que as celebracións
multitudinarias que sempre nos acompañan nesta data vanse ver modificadas, é
posible que non podamos lucir as nosas mellores cores, sorrisos e afectos sóricos
polas rúas.
Para non esquecer o espírito deste día queremos convidar a
todo o alumnado a amosar o significado que este día ten para cada unha de nós. A
través dun certame no que teñen cabida todas as manifestacións artísticas imaxinables:
deseños, esculturas, cancións, poemas, vídeos....... Co obxectivo de crear un espazo
reivindicativo no cole o día 8 de Marzo.
Importante: excluiranse do certame todas as obras con contido
violento ou discriminación de calquera tipo.
- A composición pode ser individual, en parella, en grupo, ou de aula, ou en familia..... Iso si, non esquezades identificar o nome das persoas participantes e o(s) voso(x) curso(s)
- No centro haberá unha caixa na que depositar as vosas creacións. No canto de ser audiovisual podedes facela chegar a través do correo anpa.apostolo@gmail.com
- O tema: Que significa para ti o 8 de Marzo?
- Para unha mellor inspiración convidamos a que busquedes información sobre o por que se celebra esta data? Dende cando? Como se ven celebrando? Que se reivindica? En definitiva que fagades un pouco de investigación histórica para saber mais.
- O prazo de entrega finaliza o día 26 de Febreiro
As obras en papel estarán expostas no cole dende o día 1 ao
día 9 de Marzo, e as audiovisuais no blogue da biblioteca.
A través dos blogues da Biblioteca e da Anpa daremos conta
das vosas expresións artísticas.
Agora so queda deixar voar a imaxinación e participar
